महास्वयम् रोजगार नोंदणी महाराष्ट्र 2024: अर्ज ऑनलाइन | rojgar.mahaswayam.gov.in

महाराष्ट्र सरकारने राज्यातील बेरोजगार तरुणांसाठी एक एकत्रित सर्व सुविधायुक्त महास्वयम् रोजगार नोंदणी वेब पोर्टल सुरु केले आहे, या पोर्टलच्या अंतर्गत महाराष्ट्रातील नोकरी शोधणाऱ्या बेरोजगार तरुणांना रोजगार शोधण्यासाठी ऑनलाइन सुविधा देण्यात आली आहे. राज्यातील बेरोजगार तरुण या महास्वयम् पोर्टलवर ऑनलाइन नोंदणी करू शकतात. या पोर्टलच्या माध्यमातून विविध कंपन्या, उद्योग, सरकारी, निमसरकारी, विविध संस्थांव्दारे उपलब्ध करण्यात आलेल्या रोजगारांची माहिती बेरोजगार तरुणांना सहजपद्धतीने उपलब्ध करून देण्यात आली आहे. महास्वयम् रोजगार नोंदणी महाराष्ट्र पोर्टलच्या अंतर्गत विविध कौशल्यसंबंधित उपक्रमांमध्ये रोजगार शोधणाऱ्या उमेदवारांना सुलभतेने रोजगार उपलब्ध करून देण्यात येत आहे.

महाराष्ट्र शासनाच्या या महास्वयम पोर्टलचे प्रथम तीन भाग करण्यात आले होते, पहिला भाग बेरोजगार तरुणांसाठी महारोजागर (Maharojgar), यामध्ये दुसरा भाग होता कौशल्य विकास (MSSDS) आणि पोर्टलचा तिसरा भाग म्हणजे स्वयंरोजगार (Mahaswayam Rojgar) शासनाने या तीन भागांमधील सुविधांसाठी वेगवेगळे पोर्टल्स उपलब्ध करून दिले होते. ते पोर्टल्स आता महास्वयम् रोजगार नोंदणी महाराष्ट्र पोर्टल अंतर्गत जोडण्यात आले आहे. महाराष्ट्र राज्यातील रोजगाराच्या शोधात असलेले सर्व बेरोजगार तरुण, शासनाच्या महास्वयम् पोर्टलवर ऑनलाइन नोंदणी करून त्यांच्या कौशल्या प्रमाणे व पात्रतेप्रमाणे रोजगार मिळवू शकतात.

• महाराष्ट्र शासनच्या कौशल्य विकास आणि उद्योग विभागाव्दारे हे महास्वयम् रोजगार नोंदणी महाराष्ट्र पोर्टल तयार करण्यात आले आहे.
• या पोर्टलचा उद्देश आहे राज्यात कौशल्य विकासाला गती देणे त्याचबरोबर राज्यातील रोजगार शोधणाऱ्या तरुणांना नोकरीच्या संधी उपलभ करून देणे.
• महास्वयम् पोर्टलच्या माध्यमातून रोजगाराची उपलब्धता तसेच विविध प्रकारचे सर्व कौशल्यविकास प्रशिक्षण आणि उद्योग विकासासंबंधित माहिती एकाच प्लॅटफॉर्मवर उपलब्ध करून देणे.
• या महास्वयम् रोजगार नोंदणी पोर्टल च्या माध्यमातून महाराष्ट्रातील बेरोजगार तरुण, विद्यार्थी नोंदणी केल्यानंतर विविध प्रकारच्या सर्व कौशल्यविकास प्रशिक्षणाची माहिती तसेच विविध प्रकारच्या रोजगारांसंबंधित माहिती आणि रोजगार मेळाव्या संबंधित माहिती मिळवू शकतात.
• या वेबपोर्टलच्या माध्यमातून राज्यातील उद्योजक त्यांच्या आस्थापनांची ऑनलाइन नोंदणी पोर्टलवर करून, पोर्टलव्दारे उद्योजक त्यांच्याकडील मनुष्यबळाची मागणी पूर्ण करून घेऊ शकतात.

महास्वयम् वेबसाईटवर विविध पर्यायांतर्गत विविध सुविधा उपलब्ध करून देण्यात आल्या आहेत, राज्यातील बेरोजगार तरुणांसाठी (Employment) पर्यायांतर्गत नोकरी शोधणारे तरुण ऑनलाइन पद्धतीने नावनोंदणी करू शकतात, शैक्षणिक पात्रता सुविधा देण्यात आली आहे, तसेच रोजगार शोधण्याची सुविधा उपलब्ध करून देण्यात आली आहे. त्याचप्रमाणे उद्योजकता (Entreprneurship) या पर्यायांतर्गत स्वयंरोजगारची सुविधा आणि कौशल्य विकास (Skill Development) पर्यायांतर्गत कौशल्य प्रशिक्षणाची सुविधा उपलब्ध करून देण्यात आली आहे.

या पोर्टल अंतर्गत उद्योजकांसाठी (Employer) या पर्यायांतर्गत तात्पुरती किंवा कायम रिक्त पदे, रोजगार मेळावा, रोजगार प्रोत्साहन कार्यक्रमा अंतर्गत ऑनलाईन पद्धतीने पदे अधिसूचित करण्याची सुविधा करण्यात आलेली आहे. या पोर्टलवर यासर्व सुविधा विनामुल्य उपलब्ध करण्यात आल्या आहेत. 

                Mahadbt Scholarship

महाराष्ट्र राज्य हे लोकसंख्येच्या दृष्टीकोनातून देशात दुसरे मोठे राज्य आहे, आपल्याला दिसून येईल राज्यामध्ये सुशिक्षित बेरोजगार तरुणांची संख्या मोठ्याप्रमाणात आहे, ज्यांच्या कडे डिग्री किंवा डिप्लोमा आणि अनुभव असून सुद्धा तरुण बेरोजगार आहे तसेच ज्यांच्या कडे कौशल्य आहे त्यांना त्यांच्या कौशाल्याप्रमाणे रोजगार मिळाला नाही, बेरोजगारीची हि समस्या संपूर्ण राज्यांमध्येच आहे, शासनाकडून बेरोजगारीची हि समस्या कमी करण्याच्या दृष्टीने तसेच तरुणांना त्यांच्या कौशल्याप्रमाणे रोजगार मिळावा या उद्देशाने विविध प्रकारच्या योजना राबविल्या जातात.

महाराष्ट्र शासनाव्दारा सुरु करण्यात आलेल्या महास्वयम् रोजगार नोंदणी महाराष्ट्र उद्देश आहे राज्यातील युवकांना त्यांच्या कौशल्यासंबंधित रोजगार मिळावा आणि उद्योजक यांना एकत्रित एकाच प्लॅटफॉर्मवर आणणे तसेच या पोर्टलच्या माध्यमातून सभासदांना कौशल्य प्रशिक्षण, रोजगाराच्या रिक्त जागा आणि उद्योजकता विकास कार्यक्रमांशी संबंधित माहिती मिळविण्यासाठी एकच प्लॅटफॉर्म उपलब्ध करून देण्यात आला आहे. महास्वयम् पोर्टलचे उद्दिष्ट केवळ कौशल्य विकास व तरुणांनासाठी रोजगाराच्या संधी उपलब्ध करणे आणि राज्यातील युवकांना सशक्त करणे एवढेच नाही तर रोजगार देणारे व्यवसायी व रोजगार शोधणारे आणि इतर सभासदांना एका समान व्यासपीठावर एकत्रित करणे हे आहे. महास्वयम् रोजगार नोंदणी महाराष्ट्र पोर्टलव्दारे विविध कंपन्यांकडून रोजगार शोधणाऱ्यांना नोकऱ्या सहज उपलब्ध करून दिल्या जातात.

             399/- पोस्ट ऑफिस दुर्घटना विमा योजना

महास्वयम् रोजगार नोंदणी पोर्टलवर नोकरीसाठी नोंदणी केल्यानंतर खालीलप्रमाणे सुविधा या पोर्टलच्या माध्यमातून उपलब्ध करून दिल्या जातात

• कार्पोरेशन प्लान
• स्वयंरोजगार योजना
• स्वयंरोजगार कर्ज
• ऑनलाइन कर्जाची पात्रता
• नोकरी शोधणे
• रोजगारासाठी अर्ज करणे
• कर्ज परतफेड स्थिती
• हेल्प लाईन क्रमांक 
• अशा प्रकारच्या महत्वाच्या सुविधा महास्वयम् पोर्टलच्या माध्यमातून पूर्ण केल्या जातात

महाराष्ट्र शासनाच्या महास्वयम् रोजगार नोंदणी महाराष्ट्र पोर्टलच्या माध्यमातून नोंदणीकृत उमेदवारांना खालीलप्रमाणे सुविधा आणि लाभ उपलब्ध करून दिल्या जातात.

• महास्वयम् पोर्टलवर महाराष्ट्र राज्यातील बेरोजगार उमेदवार नोकरीसाठी अर्ज करू शकतात या पोर्टलचा लाभ राज्यातील तरुणांना होणार आहे.
• राज्यातील रोजगार इच्छुक बेरोजगार तरुणांनी या पोर्टलच्या माध्यमातून नोंदणी केल्यावर त्यांना रोजगारच्या संधी उपलब्ध होऊ शकतात.
• या पोर्टलच्या माध्यमातून कौशल्य विकास योजनेच्या अंतर्गत नोंदणी करणाऱ्या उमेदवारांना प्रशिक्षण दिल्या जाईल, त्यामुळे राज्यात कौशल्य विकास योजनेला गती मिळेल.
• महास्वयम् पोर्टलच्या माध्यमातून उमेदवार त्यांच्या कौशल्यासंबंधित उपक्रमांमध्ये नोकरीसाठी ऑनलाइन अर्ज करू शकतात.
• राज्यातील रोजगार इच्छुक उमेदवारांना रोजगार संदर्भात, कौशल्य विकास योजना तसेच रोजगार संबंधित मेळावे या सर्व सुविधांसाठी उमेदवारांना वेगवेगळ्या पोर्टलवर लॉगिन करण्याची आवश्यकता नाही या सर्व सुविधांचा लाभ एकाच महास्वयम् पोर्टलवर ऑनलाइन नोंदणी करून मिळवू शकतात.
• महास्वयम् पोर्टलवर उद्योजक त्यांच्या आस्थापना संबंधित किंवा कंपनी संदर्भात जाहिरात सुद्धा करू शकतात, त्यामुळे बेरोजगार तरुणांनी महास्वयम् पोर्टवर नोंदणी केल्यानंतर त्यांना रोजगाराच्या संधी सहजपणे उपलब्ध होतील. या पोर्टलमुळे नोकरी इच्छुक उमेदवारांना रोजगारासंदर्भातील संपूर्ण माहिती एकाच क्लिकवर उपलब्ध करून देण्यात आली आहे.
• महास्वयम् पोर्टलच्या माध्यमातून नोकरी शोधणारे बेरोजगार उमेदवार आणि उद्योजक यांना रोजगार मेळाव्यात सहभागी होणे सुलभ झाले आहे, तसेच सुलभ प्रशिक्षण नोंदणी सुविधा उपलब्ध करून देण्यात आली आहे.
• या पोर्टलच्या माध्यमातून उद्योजकांना त्यांना आवश्यक असलेल्या कौशल्यासंबंधित मनुष्यबळ आणि सुयोग्य उमेदवारांची यादी काढणे इत्यादी आवश्यक सुविधा उपलब्ध करून देण्यात येत आहे. या पोर्टलवर उद्योजकांनी त्यांच्या आस्थापनांची नोंदणी करून त्यांना आवश्यक असलेल्या मनुष्यबळाची मागणी पूर्ण करून घेऊ शकतात. 

                  Mahajobs Portal 

महास्वयम् रोजगार नोंदणी महाराष्ट्र पोर्टलवर अर्जदाराला नोंदणी करण्याच्या वेळेस आवश्यक असलेली कागदपत्रे खालीलप्रमाणे आहेत.

• महाराष्ट्र राज्याचा रहिवासी दाखला
• अर्जदाराचा मोबाईल क्रमांक
• पासपोर्ट आकाराचा फोटो
• अर्जदाराचे वय कमीत कमी 14 वर्ष पूर्ण असावे
• अर्जदाराचे आधार कार्ड
• शैक्षणिक पात्रतेसाठी गुणपत्रिका
• असल्यास कौशल्य प्रमाणपत्र
• अर्जदार हा महाराष्ट्र राज्याचा रहिवासी असावा
• नगरपरिषद किंवा सरपंचाने दिलेले प्रमाणपत्र

• या पोर्टलवर नोंदणी करण्यासाठी लागणारी पात्रता खालीलप्रमाणे आहे
• अर्जदार हा महाराष्ट्र राज्याचा कायमचा रहिवासी असणे आवश्यक आहे.
• या पोर्टलवर नोंदणी करण्यासाठी अर्जदाराचे वय कमीत कमी 14 वर्ष असणे आवश्यक आहे.
• अर्जदाराने पोर्टलवर नोंदणी केल्यानंतर तर त्याला वेळोवेळी आपला अनुभव, शैक्षणिक योग्यता आणि संपर्क तपशील अपडेट करावा लागेल.
• या पोर्टलवर बेरोजगार उमेदवारांनी नोंदणी करणे आवश्यक आहे.

कमी कालावधीचे प्रशिक्षण 

• यासाठी संबंधित संस्था आहे महाराष्ट्र राज्य स्कील डेव्हलपमेंट सोसायटी.

जास्त कालावधीचे प्रशिक्षण

• यासाठी संस्था आहे व्यावसायिक शिक्षण आणि प्रशिक्षण संचालनालय.

रोजगार मार्गदर्शन आणि चर्चा

• यासाठी संबंधित संस्था आहे कौशल्य विकास, रोजगार आणि उद्योजकता संचालनालय.

स्टार्ट-अप आणि नाविन्यता

• महाराष्ट्र स्टेट इनोव्हेशन सोसायटी.

कर्ज: अण्णासाहेब पाटील आर्थिक मागास विकास महामंडळ मर्यादित.

महाराष्ट्र राज्यातील ज्या उमेदवारांना या महास्वयम् रोजगार नोंदणी महाराष्ट्र पोर्टलच्या अंतर्गत रोजगार मिळविण्यासाठी नोंदणी किंवा अर्ज करावयाचा आहे, त्यांनी शासनाच्या या अधिकृत वेबसाईटवर जाऊन ऑनलाइन नोंदणी करू शकतात, या पोर्टवर नोंदणी करण्याची प्रक्रिया खालीलप्रमाणे आहे.

• यासाठी सर्वप्रथम तुम्हाला महाराष्ट्र महास्वयम् च्या अधिकृत वेबसाईटवर भेट द्यावी लागेल, या महास्वयम् वेबसाईटवर गेल्यावर तुमच्यासमोर महास्वयमचे् होम पेज उघडेल.

• या होम पेजवर तुम्हाला ‘’रोजगार’’ हा पर्याय दिसेल या पर्यायावर तुम्हाला क्लिक करावे लागेल, या ऑप्शनवर क्लिक केल्यावर तुमच्यासमोर एक नवीन पेज उघडेल,
• या नवीन पेजवर तुम्हाल ‘’नोंदणी’’ हा पर्याय दिसेल, या पर्यायावर क्लिक करावे लागेल

• या नंतर एक नवीन नोकरी शोधक अर्ज फॉर्म तुमच्यासमोर ओपन होईल, या अर्ज फॉर्ममध्ये विचारलेली संपूर्ण माहिती तुम्हाला काळजीपूर्वक प्रविष्ट करावी लागेल, त्यानंतर समोर दिलेला कॅप्चा कोड प्रविष्ट करा आणि आता ‘’नेक्स्ट’’ बटनावर क्लिक करा.

• त्यानंतर तुमच्यासमोर एक नवीन पेज उघडेल, इथे तुम्हाला तुमच्या नोंदणीकृत मोबाईल क्रमांकावर एक OTP प्राप्त होईल, हा मिळालेला OTP बॉक्स मध्ये प्रविष्ट करावा लागेल त्यानंतर ‘’कन्फर्म’’ ऑप्शनवर क्लिक करा.
• आता तुमच्यासमोर एक नवीन फॉर्म ओपन होईल, यामध्ये फॉर्ममध्ये तुम्हाला वैयक्तिक तपशील, पात्रता तपशील आणि संपर्क तपशील इत्यादी संपूर्ण माहिती भरावी लागेल.
• अशा प्रकारे संपूर्ण माहिती अचूक प्रविष्ट केल्यावर तुम्हाला ‘’क्रीएट अकाऊंट’’ या पर्यायवर क्लिक करावे लागेल. 
• या नंतर तुमच्या मोबाईलवर किंवा ई-मेल आयडीवर मॅसेज येईल, यानंतर तुम्ही साबिमित बटनावर क्लिक करा.
• या प्रकारे तुमची महास्वयम् पोर्टलवर ऑनलाइन नोंदणी संपूर्ण होईल.
• नोंदणी पूर्ण झाल्यावर अर्जदाराला mahaswayam.in रजिस्टर आयडी आणि पासवर्ड मिळेल, यानंतर नोकरी शोधणारे rojgar.mahaswayam.in वर लॉगिन करू शकतात, अर्जदार नोंदणीच्या वेळी मिळालेला आयडी आणि पासवर्ड वापरून पुन्हा कधीही या पोर्टवर लॉगिन करू शकतो. यासाठी आयडी आणि पासवर्ड नोट करू ठेवावा. 

• ज्या तरुणांना ऑनलाइन नोंदणी किंवा अर्ज करणे अडचणीचे वाटत असेल किंवा त्यांच्याकडे ऑनलाइन सुविधा उपलब्ध नसेल, ते उमेदवार ऑफलाईन पद्धतीने सुद्धा सादर शकतात, यासाठी खालीलप्रमाणे प्रक्रिया पूर्ण करावी लागेल.
• यासाठी उमेदवाराला जवळच्या रोजगार माहिती कार्यालयाला भेट द्यावी लागेल (एम्प्लॉयमेंट एक्सचेंज)
• यानंतर उमेदवाराला अधिकाऱ्याकडून रोजगार माहिती कार्यालयात महास्वयम् रोजगार नोंदणी महाराष्ट्र संबंधित संपूर्ण प्रक्रियेची माहिती जाणून घ्यावी लागेल.
• यानंतर नोंदणीसाठी फॉर्म मिळवून तुम्हाला फॉर्ममध्ये विचारलेली सर्व माहिती व्यवस्थितपणे आणि अचूक भरावी लागेल, शैक्षणिक पात्रता, पत्ता, नाव इत्यादी माहिती व्यवस्थित भरा.
• त्यानंतर नोंदणी फॉर्मला आवश्यक असलेली सर्व कागदपत्रे जोडावीत उदाः रहिवासी दाखला, आधार कार्ड, कौशल्य प्रमाणपत्र, शैक्षणिक पात्रतेसाठी गुणपत्रिका इत्यादी कागदपत्रे व्यवस्थित जोडावी लागेल.
• आता नोंदणी फॉर्म पूर्ण भरल्यावर पुन्हा एकदा संपूर्ण महितीची तपासणी करा, काही राहिले असल्यास संपूर्ण करा आणि नोंदणी फॉर्म कार्यालयात जमा करा.
• नोंदणी फॉर्म रोजगार माहिती कार्यालयात सादर करण्यापूर्वी तुम्हाला ओरीजनल कागदपत्र दाखवावी लागेल.
• कार्यालयात नोंदणी फॉर्म जमा केल्यावर तुम्हाला कार्यालयातून अर्जाची पावती दिल्या जाईल. या प्रकारे तुमची रोजगार पोर्टवर ऑफलाईन नोंदणी प्रक्रिया पूर्ण होईल.

• सर्व प्रथम तुम्हाला अधिकृत महास्वयम् रोजगार नोंदणी पोर्टलवर भेट द्यावी लागेल,
• यानंतर तुम्हाला वेबसाईटच्या होम पेजवर ‘’नोकरी शोधा’’ (जॉब सीकर लॉगिन) या पर्यायावर क्लिक करावे लागेल.
• आता तुमच्यासमोर एक नवीन पेज ओपन होईल या पेजवर तुम्हाला आधार आयडी किंवा रजिस्टर आयडी आणि पासवर्ड टाकावा लागेल.
• यानंतर तुम्हाला लॉगिनवर क्लिक करावे लागेल
• या पद्धतीने आपण नोकरी शोधक लॉगिन करू शकता.

• उमेदवाराला सर्वप्रथम अधिकृत महास्वयम् रोजगार नोंदणी पोर्टलवर जावे लागेल, यानंतर तुम्हाला होम पेजवर ‘’नियोक्ता नोंदणी’’ (एम्प्लॉयर रजिस्ट्रेशन) हा पर्याय दिसेल त्यावर क्लिक करा.

• यानंतर तुमच्यासमोर पुढच्या पेजवर एक फॉर्म उघडेल, या फॉर्म मध्ये विचारलेली संपूर्ण माहिती तुम्हाला प्रविष्ट करावी लागेल उदाः संस्थेचे नाव, संघटना क्षेत्र, क्षेत्र, NIC, एकूण पुरुष, एकूण स्त्री, कामाचे स्वरूप, वर्णन, संस्थेचे पॅन क्रमांक, संस्था TAN क्रमांक, कंपनीचा नोंदणी क्रमांक, स्थापनेचे वर्ष, कार्यक्षेत्र, इत्यादी संपूर्ण माहिती भरावी लागेल.
• आता यानंतर तुम्हाला ‘’क्रिएट अकाऊंट’’ या पर्यायावर क्लिक करावे लागेल, अशा प्रकारे प्रक्रिया करून तुमची नियोक्ता नोंदणी पूर्ण होईल.

• अर्जदाराला सर्वप्रथम आधिकारिक महास्वयम् पोर्टलवर भेट द्यावी लागेल, तुमच्यासमोर उघडलेल्या होम पेजवर तुम्हाला ‘’नोकरी शोधा’’ या विभागात जावे लागेल.
• यानंतर तुम्हाला स्थान किंवा क्षेत्र किंवा शिक्षण यामधून कोणताही एक विकल्प निवडावा लागेल या निवडलेल्या पर्यायावर क्लिक करावे लागेल.
• आता तुम्हाला संबंधित माहिती प्रविष्ट करावी लागेल, संपूर्ण माहिती भरल्यावर सर्च या पर्यायावर क्लिक करा.
• त्यानंतर संबंधित माहिती तुमच्यासमोर दिसेल.

• यासाठी सर्व प्रथम उमेदवारांना आधिकारिक महास्वयम् रोजगार नोंदणी पोर्टलवर जावे लागेल, यानंतर तुमच्यासमोर होमपेज ओपन होईल, या होम पेजवर तुम्हाला ‘’नोकरी शोधा’’ या विभागात ‘’View All’’ या पर्यायावर क्लिक करावे लागेल.
• आता तुम्हाला जिल्हा निवडावा लागेल आणि सर्च ऑप्शनवर क्लिक करा. यानंतर तुमच्यासमोर जिल्ह्याप्रमाणे सर्व रोजगारांची यादी दिसेल.

• यासाठी सर्वप्रथम तुम्हाला आधिकारिक महास्वयम् पोर्टलवर भेट द्यावी लागेल.
• यानंतर तुमच्यासमोर मुख्यपृष्ठ उघडेल या होम पेजवर तुम्हाला ‘’आयटीआय लॉगिन’’ हा पर्याय दिसेल या पर्यायावर तुम्हाला क्लिक करावे लागेल.

• यानंतर तुमच्यासमोर एक नवीन पेज ओपन होईल, या पेजवर तुम्हाला रजिस्टर आयडी (नोंदणी क्रमांक) भरावा लागेल आणि त्यानंतर कॅप्चा कोड प्रविष्ट करावा लागेल.
• आता सबमिट या पर्यायावर क्लिक करावे लागेल, या प्रकारे तुमचे आयटीआय लॉगिन पूर्ण होईल

• सर्व प्रथम तुम्हाला आधिकारिक महास्वयम् रोजगार नोंदणी पोर्टलवर जावे लागेल,
• यानंतर तुमच्यासमोर होम पेज ओपन होईल, या होम पेजवर तुम्हाला ‘’परफॉर्मेंस बजट’’ हा विकल्प दिसेल या पर्यायावर क्लिक करावे लागेल.
• या पर्यायावर क्लिक करताच तुमच्यासमोर पुढचे पेज ओपन होईल,
• या पेजवर तुम्हाला परफॉर्मेंस बजट संबंधित माहिती दिसून येईल.

• यासाठी सर्वप्रथम आपल्यालाआधिकारिक महास्वयम् पोर्टलवर भेट द्यावी लागेल
• तुमच्यासमोर वेबसाईटचे होम पेज उघडेल, या होम पेजवर तुम्हाला ‘’जलद दुवे’’ (Quick Links) या विभागात जावे लागेल.
• या विभागात तुम्हाला ‘’सिटीझन चार्टर’’ (नागरिक सनद) हा पर्याय दिसून येईल, या पर्यायवर तुम्हाला क्लिक करावे लागेल.

• या पर्यायावर क्लिक करताच तुमच्यासमोर नागरिक सनद यादी उघडेल, तुम्हाला तुमच्या आवश्यकतेनुसार पर्याय निवडून त्यावर क्लिक करा.
• तुम्ही निवडलेल्या पर्याया संबंधित माहिती दिसून येईल.

• यासाठी सर्वप्रथम तुम्हाला महास्वयम् रोजगार नोंदणी पोर्टलवर जावे लागेल, यानंतर तुमच्यासमोर वेबसाईटचे होम पेज ओपन होईल

• या होम पेजवर तुम्हाला ‘’डॅशबोर्ड’’ हा पर्याय दिसून येईल या पर्यायावर तुम्हाला क्लिक करावे लागेल. या पर्यायावर क्लिक केल्यावर तुमच्यासमोर एक नवीन पेज उघडेल.
• या पेजवर तुम्हाला डॅशबोर्ड संबंधित संपूर्ण माहिती मिळेल. तुम्ही डॅशबोर्ड पाहू शकता

• महास्वयम् रोजगार नोंदणी पोर्टला सर्वप्रथम भेट द्यावी लागेल, आता तुमच्यासमोर वेबसाईटचे होम पेज उघडेल.
• या होम पेजवर ‘’द्रुतनियोक्ता फॉर्म (कंपनी)’’ (Quick Employer Form)(Company) हा पर्याय दिसून येईल या पर्यायवर क्लिक करावे लागेल.

• यानंतर तुमच्यासमोर एक फॉर्म उघडेल, या फॉर्ममध्ये तुम्हाला विचारलेले संपूर्ण तपशील भरावे लागतील उदाः संस्थेचे नाव, पत्ता, ई-मेल आयडी, शहर, जिल्हा, संघटना क्षेत्र, संघटना TAN, पिनकोड, मोबाईल नंबर, क्षेत्र, संस्था GST क्रमांक, रिक्त जागा इत्यादी संपूर्ण माहिती भरावी लागेल.
• त्यानंतर तुम्हाला ‘’सबमिट रिक्वेस्ट’’ या पर्यायावर क्लिक करून नोंदणी फॉर्म भरण्याची प्रक्रिया पूर्ण करा. 

• सर्वप्रथम आपल्याला अधिकृत महास्वयम् पोर्टलवर भेट द्यावी लागेल.
• आता तुमच्यासमोर वेबसाईटचे होम पेज उघडेल, या होम पेजवर शेवटी तळाशी तुम्हाला ‘’तक्रारी’’ हा पर्याय दिसून येईल, या पर्यायावर तुम्हाला क्लिक करावे लागेल.

• या (Grievance) पर्यायावर क्लिक केल्यावर तुमच्यासमोर एक नवीन पेज उघडेल, या पेजवर तुम्हाला तक्रार नोंदविण्यासाठी एक फॉर्म दिसेल, या फॉर्ममध्ये विचारलेली संपूर्ण माहिती जसेकी वैयक्तिक माहिती, पत्ता आणि संपर्क तपशील आणि तक्रार इत्यादी माहिती भरावी लागेल.
• याप्रमाणे सर्व माहिती प्रविष्ट केल्यावर तुम्हाला सबमिट बटनावर क्लिक करावे लागेल, याप्रमाणे तुम्ही या पोर्टलवर तक्रार नोंदवू शकतात. 

• यासाठी सर्वप्रथम तुम्हाला अधिकृत महास्वयम् रोजगार नोंदणी पोर्टलवर भेट द्यावी लागेल.

• यानंतर तुमच्यासमोर वेबसाईटचे होम पेज ओपन होईल, आता तुम्हाला ‘’संपर्क साधा’’ (Reach Us) या पर्यायावर क्लिक करावे लागेल.
• आता तुमच्यासमोर एक नवीन पेज ओपन होईल, या पेजवर तुम्हाला संपूर्ण संपर्क तपशील दिसून येईल.

महाराष्ट्र महास्वयम् रोजगार नोंदणी पोर्टल संबंधित हेल्पलाईन नंबर :-

• हेल्पलाईन क्रमांक:- 022 – 22625651 / 22625653
• ई-मेल आयडी:- [email protected]
• महाराष्ट्र सरकारी योजना:- इथे क्लिक करा

महाराष्ट्र शासनाने महास्वयम् पोर्टलच्या माध्यमातून राज्यातील बेरोजगार तरुणांना रोजगार नोंदणी, रोजगार उपलब्धतेबद्दल माहिती, आणि अर्ज भरणे, प्रशिक्षणाबाबतची माहिती, रोजगार मेळावे व सहभागी होण्याची सुविधा तसेच रिक्त पदांसाठी अर्ज करणे इत्यादी सुविधा उपलब्ध करून दिल्या आहेत, त्याचप्रमाणे तरुणांना एकाच ठिकाणी कौशल्य विकास, रोजगार व उद्योजकताविषयक माहिती एकत्रितपणे उपलब्ध होणार आहे. तसेच उमेदवार आणि उद्योजक यांना रोजगार मेळाव्यात सहभागी होणे, सुलभ प्रशिक्षण नोंदणी सुविधा उपलब्ध करण्यात आल्या आहेत. राज्यातील तरुणांनी या महास्वयम् पोर्टलवर नोंदणी करून पोर्टलच्या सुविधांचा लाभ घ्यावा. वाचक मित्रहो या लेखामध्ये आपण शासनाच्या महास्वयम् पोर्टल संबंधित सर्व महत्वाची माहिती पहिली आहे. तरीही आपल्याला इतर काही आणखी माहिती जाणून घायची असल्यास महास्वयम् पोर्टलवर भेट देऊ शकतात किंवा वरीलप्रमाणे हेल्पलाईन क्रमांकावर संपर्क साधू शकतात.

Q. महास्वयम् रोजगार नोंदणी पोर्टल काय आहे ?

महाराष्ट्र महास्वयम् पोर्टल हे राज्यातील बेरोजगार तरुण, विद्यार्थी, उद्योजक, प्रशिक्षक, नोकरदार, आणि रोजगार शोधणारे या सर्वांना एकाच ठिकाणी किंवा एकाच प्लॅटफॉर्मवर सर्व सुविधा उपलब्ध करून देण्याचा महाराष्ट्र सरकारचा प्रयत्न आहे.

Q. नियोक्ता म्हणून कोणाला नोंदणी करता येते ?

असा व्यक्ती किंवा अस्थापना ज्यामध्ये एक किंवा जास्त व्यक्तींना अस्थापानांचे काम करण्यासाठी वेतन किंवा मानधन / रोजगार / योग्य मोबदला देते, किंवा असा व्यक्ती ज्याला आस्थापनेचे देखरेख आणि नियंत्रणाचे काम दिले आहे. अशा व्यक्तीला नियोक्ता म्हणून काम नोंदणी करता येते.

Q. नियोक्ता नोंदणी करतांना किती शुल्क भरावे लागते ?

महास्वयम् रोजगार नोंदणी महाराष्ट्र करण्यासाठी कोणतेही शुल्क लागत नाही

Q. महास्वयम् पोर्टलवर नोंदणी करणे आवश्यक आहे काय ?

महास्वयम् पोर्टलवर विविध कार्यक्रमांच्या संधी ऑनलाइन प्राप्त करण्यासाठी, तसेच कौशल्य विकास, स्वयंरोजगार आणि इतर सर्व सुविधांचा लाभ मिळविण्यासाठी पोर्टलवर नोंदणी करणे अनिवार्य आहे.

Q. पोर्टलवर नोंदणीची वैधता किती दिवस आहे ?

महास्वयम् पोर्टलवर नोंदणीचा कालावधी साधारण: नोंदणी केल्यापासून एक वर्षापर्यंत राहील, परंतु वापरकर्ता ज्या-ज्या वेळेस पोर्टलवर लॉगिन होईल त्या त्या दिवसापासून पुढील एक वर्षापर्यंत वैधता कालावधी वाढत जाईल.

Q. पोर्टलवर नोंदणी केल्यावर नोंदणी कार्ड केव्हा मिळेल ?

महास्वयम् पोर्टलवर उमेदवाराने नोंदणी करून आपली सर्व माहिती भरल्यानंतर त्वरित नोंदणी कार्डाची प्रिंट काढता येऊ शकेल, किंवा जेव्हा आवश्यकता असेल त्यावेळी आपले युजरनेम आणि पासवर्ड वापरून लॉगिन करून प्रिंट काढू शकता.

Q. अधिकाधिक नोकरीच्या संधी प्राप्त होण्यासाठी काय करावे लागेल ?

अधिकाधिक नोकरीच्या संधी प्राप्त करण्यासाठी उमेदवारांनी वेळोवेळी आपली संपूर्ण माहिती उदाः शैक्षणिक अहर्ता, अनुभव, कौशल्य, आणि संपर्क इत्यादी सर्व माहिती अपडेट करावी.